धादिङ, ०४ बैशाख ।
राष्ट्रिय परीक्षा बोर्डले कक्षा ११ को परीक्षा जेठको तेस्रो सातादेखि सञ्चालन गन निर्देशन दिएको छ ।
जेठ १६ गतेदेखि सञ्चालन हुने कक्षा १२ को परीक्षासँग नजुध्ने गरी कक्षा ११ को परिक्षा सञ्चालन गर्न सबै विद्यालयलाई निर्देशन दिइएको राष्ट्रिय परीक्षा बोर्ड भक्तपुरले जनाएको छ ।
कक्षा ११ को परीक्षा सञ्चालन, व्यवस्थापन, मूल्याङ्कन, नतिजा प्रकाशन र प्रमाणीकरण सम्बन्धी कार्यविधि अनुसार विद्यार्थीको रजिष्ट्रेसन नम्बरसहित कक्षा ११ को परीक्षामा प्रयोग गर्ने सिम्बोल नम्बर बोर्डका प्रदेश परीक्षा व्यवस्थापन/शाखा कार्यलयमार्फत सम्बन्धित विद्यालयमा उपलब्ध गराईने बोर्डले जानकारी दिएको छ ।
हाल शैक्षिक वर्ष २०७८ सालमा रजिष्ट्रेसन भई कक्षा ११ मा अध्ययनरत विद्यार्थीको अनलाइन रजिष्ट्रेसन सम्बन्धी विवरण रुजु गर्ने काम भइरहेको बोर्डले जनाएको छ ।
