धादिङ, ०४ बैशाख ।
शुक्रबारबाट हुने एसईई परीक्षामा ५ लाख भन्दाबढि परीक्षार्थी सहभागी हुने भएका छन् । एसईईका परीक्षा नियन्त्रक अर्जुन रायमाझीका अनुसार परीक्षामा नियमिततर्फ ४ लाख ८८ हजार ७ सय ४२, प्राविधिकतर्फ १४ हजार ५ सय ६४ र ग्रेड वृद्धितर्फ ११ हजार ४ सय ५४ गरि कुल ५ लाख १४ हजार ७ सय ६० परीक्षार्थी सहभागी हुँदैछन् ।
परीक्षाको लागि प्रश्नपत्र, उत्तरपुस्तिका लगायत परीक्षा सामग्री ७७ ओटै जिल्लामा पुगिसकेको रायमाझीले जानकारी दिनुभयो ।
यसवर्ष परीक्षाका लागि बोर्डले २ हजार ७ परीक्षा केन्द्र र एक उपकेन्द्र तोकेको छ । सामान्यतर्फ ११ हजार ६ सय १५ विद्यालय र प्राविधिकतर्फ २ सय ९९ विद्यालयका विद्यार्थीहरू यो वर्ष एसईईमा सहभागी हुनेछन् ।
