काठमाडौं, १२ बैशाख ।
आगामी बैशाख ३० गते हुने चुनावको लागि धेरै राजनीतिक दलहरुले चुनावी घोषणापत्र सार्वजनिक गरिसकेका छन् ।
सत्तारुढ दल नेकपा (माओवादी केन्द्र)ले भने घोषणापत्र सार्वजनिक नगर्ने भएको छ ।
माओवादी केन्द्रले भने स्थानीय तह आफै घोषणापत्र बनाउने र केन्द्रबाट जारी नगर्ने बताएको छ। गत चैत्र २२ गते अपिल सार्वजनिक गरेको अपिललाई आधार बनाएर स्थानीय तहले घोषणापत्र बनाउने भएका छन् । स्थानीय स्तरबाटै घोषणापत्र बनाउन स्थानीय कमिटीलाई अधिकार दिएको हो ।
माओवादीले जारी गरेको अपिलमा टोल–टोलमा सहकारी र घर–घरमा रोजगारीको व्यवस्था गर्ने, एक टोल एक उद्यम, एक टोल एक उत्पादन लगायतका विषय समावेश गरिएको छ ।
