धादिङ,२० बैशाख ।
नेकपा एमाले थाक्रेको विवाद समाधान भएको छ । एमालेको सम्पुर्ण जिम्मेवारीबाट राजिनामा दिई स्वतन्त्र उम्मेदवार बन्नुभएका गोकर्ण रुपाखेतीले स्वतन्त्र उम्मेदवारबाट ब्याक भई एमालेका आधिकारीक उम्मेदवार रामकुमार आचार्यलाई सघाउन सहमत भएसँगै विवाद समाधान भएको हो ।
थाक्रेमा उत्पन्न आन्तरिक समस्या समाधान गर्न एमाले अध्यक्ष केपी शर्मा ओलीले सोमबार एमाले धादिङ जिल्ला अध्यक्ष भुमि त्रिपाठी र पार्टी जिल्ला संस्थापक नेता जगन्नाथ नेपाल, कृष्ण पन्त, गोकण रुपाखेती र रामकुमार आचार्य लगायतका नेताहरुलाई निजि निवास बोलाएर विवाद समाधान गर्नुभएको हो । अध्यक्ष ओलीले गल्ती समिक्षा गरौंला, अहिले विवाद नगरौं, एमालेले हार्न हुन्न, जित्ने पक्का रहेको पालिकामा विवाद हुँदा विपक्षीहरु ताली बजाई रहेको मिलेर जानुहोस् भनेपछि आफूले सघाउने निस्कर्षमा पुगेको रुपाखेतीको बताउनुभयो ।
थाक्रेमा टिकट वितरणको विषयलाई लिएर एमालेभित्र तिव्र विवाद भएको थियो । गत बिहिबार नेकपा एमालेको गाउँ कमिटी अध्यक्ष कृष्ण प्रसाद पन्त र एमाले धादिङका सचिवालय सदस्य तथा सामाजिक अभियान्ता गोकर्ण रुपाखेतीले पार्टीको सम्पुर्ण जिम्मेवारीबाट राजिनामा दिएका थिए
