धादिङ,११ असार।
धादिङमा रग्बी संघ धादिङ गठन गरिएको छ ।
शनिबार संघको पहिलो बैठकबाट राजु लामाको अध्यक्षतामा ११ सदस्यीय कार्यसमिति गठन गरिएको हो । कार्यसमितिको उपाध्यक्षद्वय नवराज त्रिपाठी र राजेश मल्ल, सचिवमा पुजा थापा, कोषाध्यक्षमा रोहित थापा चयन भएका छन् ।
यस्तै सदस्यहरुमा जुनु घलान लामा, सन्तबीर तामाङ, दिपक तामाङ र दिपेश श्रेष्ठ चयन भएका छन् । जिल्ला खेलकुद विकास समिति धादिङका अध्यक्ष प्रताप सिंह तामाङको प्रमुख आतिथ्यता रहेको कार्यक्रममा नेपाल रग्बी संघका सचिव गोविन्द घिमिरे र रग्बी संघ महिला विभिाग प्रमुख एवम् महिला टिम क्याप्टेन एलिसा थापाको बिशेष आतिथ्यता रहेको थियो।
कार्यक्रमलाई सम्बोधन गदैँ जिल्ला खेलकुद विकास समिति धादिङका अध्यक्ष तामाङले धादिङमा खेलकुदको विकासले छलाङ मार्दै गरेको भन्दै भौतिक पूर्वाधार देखि खेलाडी उत्पादन सम्म जिल्ला खेलकुदले विशेष प्लान बनाएर लागेको बताउनुभयो । कार्यक्रमका विशेष अतिथिद्वय घिमिरे र थापाले अब हरेक स्थानीय तह सम्म नै रग्बी संघ गठन गरिने र नियमित रुपमा प्रतियोगिता गरिने बताएका छन् ।
राष्ट्रिय खेलकुद परिषदमा ३७ औँ नम्बरमा दर्ता भएको रग्बी संघ, एसिया रग्बीमा पूर्ण सदस्यता प्राप्त गर्ने १८ औँ राष्ट्र नेपाल रहेको र यसको लोकप्रियता बढ्दै गएको कार्यक्रममा आयोजकले बताएका थिए ।
