धादिङ,२ भदौ।
धादिङबेसी स्थित सुगमटोलमा रहेको राधा कृष्ण मन्दिरको रंगरोगन तथा सरसफाई गरीएको छ । भोली भाद्र ३ गते श्रीकृष्ण जन्माष्टमीमा लाग्ने मेलालाई मध्यनजर गरेर सरसफाई तथा रंगरोगन गरीएको राधा कृष्ण मन्दिर सन्चालन समितिका उपाध्यक्ष राजकुमार श्रेष्ठले जानकारी दिनुभयो ।यसैगरी राधा कृष्ण मन्दिर सन्चालन समितिको १६ औँ बार्षिक साधारण सभा पनि सम्पन्न भएको छ ।
सन्चालन समितिका अध्यक्ष तथा सर्वोच अदालतको पुर्व न्याधिस ज्ञाइन्द्रबहादुर श्रेष्ठको अध्यक्षतामा सम्पन्न भएको साधारण सभामा समितिका सधारण सदस्य तथा कार्यसमितिका पदाधिकारीहरुको सहभागिता रहेको थियो ।
कार्यक्रममा समितिका अध्यक्ष ज्ञाइन्द्रबहादुर श्रेष्ठले पुजा खर्च व्यावस्थापनको लागि २९ लाख ५० हजारको अक्षय कोष स्थापना गर्नुभएको छ ।यसअघि २५ लाख ५० हजार रुपैँयाको अध्यक्ष कोष स्थापना गरीसक्नु भएका श्रेष्ठले आज ४ लाख रुपँैया थप गर्नुभएको हो ।
