धादिङ,०१ असोज ।
धादिङकोनेत्रावती डवजोङ गाउँपालिका वडा न ४ स्थित दमैछाप र खजुरीस्वाराका स्थानियलाई स्वास्थ्य तथा सरसफाई सामाग्री वितरण गरिएको छ । शनिबार गाउँपालिका र आईसिडिसी धादिङको सयुक्त आयोजनामा वडा न ४ स्थित दमैछाप र खजुरीस्वाराका ७७ घरधुरीलाई स्वास्थ्य तथा सरसफाई सामाग्री वितरण गरिएको हो । वितरण गरिएको सामाग्रीहरुमा फोहोर राख्ने डस्विन, शौचालयमा राख्ने हर्पिस, सावुन, फिनेल, ब्रस र प्रति घर १ झुल रहेको छ ।
कार्यक्रमकै अवसर पारेर नेत्रावती डवजोङ गाउपालिकाका स्वास्थ्य शाखा प्रमुख कृष्ण बहादुर पौडेल र आईसिडिसिका राजन दुवाडीले ब्यक्तिगत सरसफाई, चर्पीको प्रयोग, र डेङगु रोकथामको लागी गर्नुपर्ने उपायहरुको बारेमा सहजीकरण गर्नुभएको थियो । गाउँपालिकाका अध्यक्ष मेघनाथ रिजालको प्रमुख आतिथ्यतामा भएको कार्यक्रममा वडा नं ४ का वडा अध्यक्ष तिल बहादुर गुरुङ, आईसिडिसिका संस्थापक सदस्य बलराम लम्साल लगाएतको उपस्थिति रहेको थियो ।
गाउपालिका र आईसिडिसिको सयुंक्त पहलमा यस आर्थिक बर्षमा उक्त क्षेत्रमा एक घर एक शौचालय समेत निर्माण गर्न लागिएको गाउँपालिकाका स्वास्थ्य शाखा प्रमुख एवम सुचना अधिकारी पौडेलले बताउनुभयो ।
