काठमाडौं । नेकपा एमालेका बरिष्ठ नेता माधवकुमार नेपाल समूहले प्रकोपमा परेकाहरुको उद्धार र पुनर्स्थापनाका निम्ति विशेष कार्यदल बनाएको छ ।
पोलिट्ब्यूरो सदस्य गंगालाल तुलाधरको संयोजकत्वमा उद्धार, राहत र पुनर्स्थापनामा जुट्न विशेष कार्यदल बनाइएको जनाइएको छ ।
यो समूहको स्थायी कमिटी बैठकले प्रकोपमा परेकाहरुको उद्धार र पुनर्स्थापनामा जुट्न कार्यकर्ता पंक्तिलाई आह्वान गरेको थियो ।
बैठकपछि जारी वक्तव्यमा उद्धार र पुनस्र्थापनाबारे दीर्घकालीन रणनीति र योजना बनाउन तुलाधरको संयोजकत्वमा विशेष कार्यदल बनाइएको उल्लेख छ ।
कार्यदलमा जनसंगठन, पेशागत संगठन र सातै प्रदेशको प्रतिनिधित्व रहनेगरी सदस्यहरु राखिने भएको छ ।
