काठमाडौं- सत्तारूढ नेपाली कांग्रेसमा पनि खटपट देखिएको छ । प्रधानमन्त्री शेरबहादुर देउवाइतरको समूहले पार्टीमै विद्रोह गर्ने तयारी गरेको छ । पार्टी महामन्त्री डा. शशांक कोइरालाले सोमबार तेस्रो पुस्ताका नेतासँग गरेको छलफलले यस्तो निष्कर्ष निकालेको हो ।
सम्मानजनक हैसियत नपाए सरकारमा सहभागी नहुने निष्कर्ष निकाल्दै संस्थापनइतरका तेस्रो पुस्ताका नेताहरूले देउवाविरुद्ध विद्रोहको तयारी गरेको हो । सम्मानजनक हैसियतबिना सरकारमा जान नहुने विषय बैठकमा युवा पुस्ताका नेताले राखेको बताएका छन्।
बैठकमा दीपक गिरी, कमला पन्त, रत्ना शेरचन, गगन थापा, धनराज गुरुङ, सरिता प्रसाईं, बद्री पाण्डेय, गुरुराज घिमिरे, प्रदीप पौडेल, किरण यादव, कल्याण गुरुङ, जीवन परियार लगायतका तेस्रो पुस्ता नेता सहभागी थिए।
