धादिङ,०२ मंसिर।
पछिल्लो २४ घण्टामा देशभर ११ हजार १५१ जनाको परिक्षणमा २९९ संक्रमित थपिदा २६० संक्रमित निको भएका छन्। देशभरका प्रयोगशालाबाट ७ हजार ८६३ जनाको पीसीआर गर्दा २७२ जना र २ हजार २८८ जनाको एन्टिजेन परिक्षणमा २७ गरी २९९ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ।बुधबार मात्रै ४१२ संक्रमित थपिएका थिए।
यो सँगै देशभर संक्रमित हुनेको संख्या ९ लाख १३ हजार ५५७ पुगेको छ भने संक्रमित भई निको हुनेको सङ्ख्या ७ लाख ९९ हजार १७६ पुगेको छ।सक्रिय सङ्क्रमितको सङ्ख्या ७ हजार ६४२ रहेको छ ।
सङ्क्रमणमुक्त हुनेको दर ९७ दशमलब ७ प्रतिशत रहेको छ । यस्तै पछिल्लो २४ घण्टामा सङ्क्रमणका कारण ६ जनाको ज्यान गएसँगै हालसम्म सङ्क्रमणबाट ज्यान गुमाउनेको सङ्ख्या एघार हजार ४८९ पुगेको छ ।
