नेपालमा सक्रिय संक्रमितको संख्या सात हजार नाघेको छ।पछिल्लो २४ घण्टामा देशभर ११ हजार ४०३ को परिक्षणमा ३१५ संक्रमित थपिएसँगै हालसम्म सक्रिय संक्रमितको संख्या सात हजार ५४ रहेको छ।
देशभरका प्रयोगशालाबाट ९ हजार ५११ जनाको पीसीआर गर्दा २९८ जना र १ हजार ८९२ जनाको एन्टिजेन परिक्षणमा १७ गरी ३१५ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ।
बुधबार मात्रै ३१६ संक्रमित थपिएका थिए। यो सँगै देशभर संक्रमित हुनेको संख्या ९ लाख १७ हजार ४९५ पुगेको छ ।यस्तै पछिल्लो २४ घण्टामा २०१ संक्रमित डिस्चार्ज भएसँगै हालसम्म संक्रमित भई निको हुनेको सङ्ख्या ८ लाख ३ हजार ३६९ पुगेको छ। सङ्क्रमणमुक्त हुनेको दर ९७ दशमलब ७ प्रतिशत रहेको छ।
यस्तै पछिल्लो २४ घण्टामा सङ्क्रमणका कारण ६ जनाको ज्यान गएसँगै हालसम्म सङ्क्रमणबाट ज्यान गुमाउनेको सङ्ख्या एघार हजार ५३५ पुगेको मन्त्रालयको तथ्याङ्कमा उल्लेख गरिएको छ।
