धादिङको गजुरी गाउँपालिका–१ गजुरी बजारबाट लागुऔषध गाँजा सहित प्रहरीले एक जनालाई पक्राउ गरेको छ ।
सोमबार बिहान ईलाका प्रहरी कार्यालय गजुरीबाट खटिएको प्रहरीले जाँच गर्नेक्रममा काठमाडौंबाट पोखरातर्फ जाँदै गरेको ना.८ ख २४०५ नम्बरको माईक्रोमा सवार गजुरी गाउँपालिका–४ बस्ने ५७ वर्षीय मोतिलाल तामाङलाई करिब १० किलोग्राम अवैध लागूऔषध गाँजा सहित पक्राउ गरेको हो ।
बोरामा लुकाई राखेको उक्त लागूऔषध सहित फेला पारी पक्राउ गरिएको प्रहरीले जनाएको छ।उक्त गाँजा सहित पक्राउ परेका तामाङलाई “लागुऔषध(गाँजा) सम्बन्धी कसुर मुद्धा” दर्ता भई अनुसन्धान कार्य भईरहेको प्रहरीले जनाएको छ।
