नेपालमा कोरोनाका सक्रिय संक्रमितको संख्या पाँच हजार भन्दा तल झरेको छ । पछिल्लो २४ घण्टामा २२६ जना निको भएसँगै सक्रिय संक्रमितको संख्या ४ हजार ९७८ जनामा झरेको हो ।
यस्तै पछिल्लो २४ घण्टामा देशभर ६ हजार ४४७ को कोरोना परिक्षणमा १६७ संक्रमित थपिएका छन्।देशभरका प्रयोगशालाबाट ४ हजार २८३ जनाको पीसीआर गर्दा १५७ र २ हजार १६४ जनाको एन्टिजेन परिक्षणमा १० गरी १६७ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ।
शुक्रबार मात्रै २६० संक्रमित थपिएका थिए। यो सँगै देशभर संक्रमित हुनेको संख्या ९ लाख २३ हजार १५७ पुगेको छ भने हालसम्म संक्रमित भई निको हुनेको सङ्ख्या ८ लाख १० हजार ४९७ पुगेको छ।सङ्क्रमणमुक्त हुनेको दर ९८ प्रतिशत रहेको छ।
यस्तै पछिल्लो २४ घण्टामा सङ्क्रमणका कारण १ जनाको मृत्यु भएसँगै हालसम्म सङ्क्रमणका कारण एघार हजार ५८३ को मृत्यु भएको मन्त्रालयको तथ्याङ्मा उल्लेख गरिएको छ।
