धादिङ । धादिङ अस्पताल गुणस्तर सुधारका लागी न्यनतम मापदण्डमा ९३ अंक प्राप्त गरि नेपाल कै दोस्रो हुन सफल भएको छ । बागमती प्रदेश सरकार स्वास्थ्य मन्त्रालय स्वास्थ्य निर्देशनालयले अस्पतालको अनुगमन पश्चात पुन ९३ अंक दिए संगै नेपालकै दोस्रो हुन पुन सफल भएको हो ।
अनुगमन पछि फलोअप समिक्षामा बिभिन्न सुचाङ्कको आधारमा अनुगमन गरिएको र १०० अंक ल्याउन ७ अंक नपुग्नुका कारणहरु बारेमा समेत समिक्षा गरिएको थियो ।नीलकण्ठ नगरपालिकाका उप मेयर दिपक विश्वकर्माको प्रमुख आतिथ्यतामा भएको कार्यक्रममा जिल्ला अस्पताल धादिङका अध्यक्ष राजाराम रिजाल, निमित्त मेसु मधुकर दाहाल, बागमती प्रदेश स्वास्थ्य निर्देशनालयका कर्मचारी लगायत धादिङ अस्पतालका स्वास्थ्यकर्मीहरुको उपस्थिति रहेको थियो ।
कार्यक्रमलाई सम्बोधन गर्दै नीलकण्ठ नगरपालिकाका उप मेयर दिपक बिश्वकर्माले धादिङ अस्पताललाई आफुले नजिक बाट हेरिरहेको बताउदै अस्पतालको बिकास निर्माण तथा सेवा बिस्तारमा हातेमालो गर्ने प्रतिबद्धता ब्यक्त गनुभएको थियो ।
