भारत सरकारले कोभिड–१९ का थप दुई खोप र एउटा एन्टीभाइरल औषधिलाई आपत्कालीन प्रयोगको लागी अनुमति दिएको छ।
भारतका स्वास्थ्यमन्त्री मनसुख मन्डाभियाले कोर्बेभ्याक्स र कोभोभ्याक्स कोरोना खोपलाई आपतकालीन प्रयोगको अनुमति दिएका सामाजकि सञ्जाल मार्फत बताउनु भएको हो ।
साथै एन्टिभाइरल औषधि मोल्नुपिराभिरलाई समेत अनुमति दिएको छ । यसै महिना अमेरिकाको फुड एण्ड ड्रग एडमिनिस्ट्रेशनले अनुमति दिएको एन्टिभाइरल औषधि मोल्नुपिराभिरलाई सिधै सेवन गर्न सकिन्छ ।
अमेरिकामै विकास भएको कोभोभ्याक्स खोप नानो पार्टिकलमा आधारित खोप हो जसलाई पुनेस्थित सिरम इन्स्टिच्युट अफ इन्डियाले उत्पादन गर्ने भएको छ ।
