धादिङ । बेनिघाट रोराङ गाउँपालिकाको पालिका स्तरीय सार्वजनिक सुनुवाई कार्यक्रम सम्पन्न भएको छ । गाउँपालिकाको आयोजना र नीलकण्ठ एफ.एम.९८.५ मेगाहर्ज र बुलन्द आवाजको समन्वयमा बिहिबार बिशालटारमा पालिका स्तरिय सार्वजनिक सुनुवाई कार्यक्रम सम्पन्न भएको हो ।
शुसासन,पारदर्शीता र जवाफ देहिताका निमित्त आयोजित सार्वजनिक सुनुवाई कार्यक्रम गाउँपालिकाका प्रमुख प्रशासकीय अधिकृत भीष्म बहादुर मल्लको अध्यक्षता तथा गाउँपालिकाका अध्यक्ष कृष्ण बहादुर थपलियाको प्रमुख आतिथ्यता र गाउँपालिकाका उपाध्यक्ष टाप बहादुर श्रेष्ठको विशेष आतिथ्यतामा कार्यक्रम सम्पन्न भएको छ ।
कार्यक्रममा नागरिकहरुले स्वास्थ्य, कृषि, शिक्षा, यातायात, लगायतको विकास निर्माणको विषयमा सवाल उठाएका थिए । नागरिकहरुको सवालको सम्बन्धीत शाखा तथा सम्बन्धित जनप्रतिनिधिहरुले जवाफ दिनुभएको थियो ।
कार्यक्रममा नीलकण्ठ एफ.एम. ९८.५ मेगाहर्जका प्रमुख एवंम् कार्यक्रमका सहजकर्ता बद्री अधिकारीले नागरिक सर्वे सहितको प्रतिवेदन प्रस्तुत गरि गाउँपालिकाका प्रमुख प्रशासकीय अधिकृत भीष्मबहादुर मल्ललाई हस्तान्तरण गर्नुभएको छ । कार्यक्रममा पालिकाबाट सम्पादन भएका विकास योजना र कार्यक्रमको विषयमा प्रशासन तथा योजना शाखा प्रमुख परशुराम घिमीरे र आर्थिक गतिविधिको प्रतिवेदन लेखा अधिकृत सन्तोष अर्यालले प्रस्तुत गर्नु भएको थियो ।
नागरिकहरुले बिशेष गरि कार्यक्रममा स्वास्थ्य र कृषि संग सम्बन्धित सवालहरु उठाएका थिए । नागरिकहरुले उठाएको सवाललाई सम्बोधन गर्दै प्यानल सदस्यका बक्ताहरुले सार्वजनिक सुनुवाईमा उठेका सवालहरुको बिषयमा पुर्ण कार्यान्वयनका लागी प्रतिवद्धता ब्यक्त गर्नुभएको छ । सोहि कार्यक्रमलाई सम्बोधन गर्नुहुदै गाउपालिकाका अध्यक्ष कृष्ण बहादुर थपलियाले आगामी दिनमा जनताका जाहेज मागलाई सम्बोधन गर्दै पालिकालाई शुसासन, जवाफ देहिता र पारदर्शीताको निमित्त आफु प्रतिवद्ध भएर लाग्ने बताउनु भएको छ ।
सार्वजनिक सुनुवाई कार्यक्रमको सम्पादित अंश बुलन्द आवाज मार्फत न्यूज २४ टेलिभिजनमा र नीलकण्ठ एफ.एम. ९८.५ मेगाहर्ज मार्फत देशै भरका रेडियोहरुमा भन्छिन् आमा कार्यक्रममा मार्फत एकै साथ प्रसारण हुदै छ ।
