धादिङ।शिक्षक सेवा आयोगले प्रथमिक तह तृतिय श्रेणी, शिक्षक पदको खुला प्रतियोगात्मक परीक्षाको विज्ञापन गरेको छ। आयोगले देशभर १३ हजार ९३ पदका लागि बिज्ञापन गरेको हो।आयोगले धादिङको लागि २ सय ५५ शिक्षक माग गरेको छ।
आयोगले सामुदायिक विद्यालयको प्रथमिक तह तृतिय श्रेणी, शिक्षक पदको खुला तथा समावेशी प्रतियोगात्मक परीक्षाद्धारा स्थायी पदपूर्ति गर्नुपर्ने भएकोले विज्ञापन गरेको हो ।
ईच्छुक उम्मेदवारले आजकै मितिदेखी माघ १४ गतेसम्म नियमित शुल्कमा र माघ २० गतेसम्म अविलम्ब शुल्कमा परिक्षा आवेदन फाराम भर्न सक्ने आयोगले जनाएको छ।सो विज्ञापनको समान्य तर्फको परिक्षा आगामी चैत्र २० गते हुने आयोगले जनाएको छ।
आयोगले यसअघि माध्यमिक तहको १ हजार ५ सय ४७ शिक्षक र निमावि तहको लागि दुई हजार ५९८ पदका लागि विज्ञापन गरिसकेको छ।
हेर्नुहोस विज्ञापन
