धादिङ । नेत्रावती डवजोङ गाउपालिमा किसानहरुलाई आयआर्जनमा टेवा पु¥याउने उदेश्यले बाख्रा बितरण गरिएको छ । गरिव संग विश्वेश्वर कार्यक्रम अन्तरर्गत साविकका सेमजोङ गाविसको १९ जना किसानहरुलाई बाख्रा वितरण गरिएको हो ।
नेत्रावती डवजोङ गाउपालिकाका अध्यक्ष मेघनाथ रिजाल, उपाध्यक्ष सितामाया चोदेन,प्रमुख प्रशासकीय अधिकृत हरेराम शाह, वडा अध्यक्ष शुरेश वाईवाको उपस्थितिमा वडा न ३ को चौतारामा बाख्रा बितरण गरिएको छ ।
गरिव जनताहरुको आर्थिक प्रगतीको लागी २०५७ साल देखि तत्कालिन सरकारले गरिवसँग विश्वेश्वर कार्यक्रम ल्याएको थियो । धादिङ जिल्लाका ९÷१० गाविसमा संचालन भएको मध्ये नेत्रावती डवजोङ गाउपालिकाको सेमजोङमा पनि कार्यक्रम संचालन भएकोमा संघिय कार्यान्वयन पछि कार्यक्रम स्थगित भएकोमा बिगत २ बर्ष देखि नेत्रावतीमा १ जना सामाजिक परिचालिका नियुक्ती गरि पुन यो कार्यक्रमलाई संचालनमा ल्याएको छ । गत आर्थिक बर्षमा पनि १८ जना कृषकहरुलाई बाख्रा बितरण गरिएको थियो । बिपन्न परिवारलाई आर्थिक अवस्था उकास्नको लागी ल्याईको कार्यक्रम हाल धेरै गाउपालिकामा संचालनमा नरहेको पाइएको छ । नेत्रावती डवजोङमा सामाजिक परिचालिकालाई पालिकाबाट पारिश्रमिक थप गरि गरिव संग बिश्वश्वर कार्यक्रम र अन्य वडाको काम समेत गर्ने गरि कर्मचारीको ब्यवस्था गरिएको गाउपालिका सुचना अधिकारी कृष्ण बद्री पौडेलले बताउनु भयो ।
कार्यक्रमलाई सम्बोधन गर्दै वडा न ३ का वडा अध्यक्ष शुरेश वाईवा गुरुङले निम्न स्तरका मानिहरुको जीवनस्तर उकास्नको लागी यस कार्यक्रमले टेवा पुगेको बताउनु भएको छ । उहाँले १ वटा बाख्रा दिएको ब्यक्तीले हाल गोठै भरी बाख्रा बनाएकोले कार्यक्रम प्रभावकारी रहेको धारणा ब्यक्त गर्नु समेत भएको हो ।
बाख्रा बितरण कार्यक्रममा सम्बोधन गर्नुहुदै गाउपालिकाका अध्यक्ष मेघनाथ रिजालले आगामी दिनमा स्थानिय जनताको आवश्यकता र प्रभावकारिताको आधारमा कार्यक्रमलाई परिवर्तन गरि निरन्तरता दिदै जाने बताउनु भएको छ । उहाँले सधै बाख्रा बितरण गर्नु भन्दा आगामी दिनमा दलित,सुत्केरी महिलाहरुको लागी पोषणमा समेत राहत हुने गरि कार्यक्रम संचालनको तयारी भैरहेको बताउनु भएको छ ।
