धादिङ अस्पताल धादिङको ४७ औँ वार्षिक उत्सवको अवसरमा ३५ जनाले रक्तदान गरेका छन् । आईतबार धादिङ अस्पतालले आयोजना गरेको कार्यक्रममा २२ जना पुरुष र १३ जना महिला गरी ३५ जनाले रक्तदान गरेको अस्पतालले जनाएको छ ।
बिहान १० बजेदेखि दिउसो ४ बजेसम्म अस्पताल परिसरमा भएको रक्तदान कार्यक्रममा नेपाल रेडक्रस सोसाईटी रक्त संचार सेवा केन्द्र धादिङको प्राविधिक सहयोग रहेको थियो ।
पछिल्लो समय जिल्लामा भएको रगत अभावलाई न्युनिकरण गर्नको लागि विभिन्न मेला, पर्व, उत्सव, बार्षिक साधारण सभा लगायतको भेला हुने कार्यक्रममा रक्तदान कार्यक्रम राखि धादिङमा रगत संकलन गरिदै आएको छ।
