धादिङ,०५ जेठ ।
नीलकण्ठ नगरपालिका मेयरमा पुनः कांग्रेसका भीम प्रसाद ढुङ्गाना र उप मेयरमा माओवादी केन्द्रका दिपक विश्वकर्मा विजयी भएका छन् ।
ढुङ्गानाले १३ हजार ६७५ मत मत ल्याई बिजयी भए । उनको निकटम प्रतिद्वन्दी एमाले उम्मेदवार गंगादेवी श्रेष्ठले ८ हजार ६८४ मत ल्याईन ।
यस्तै नगरपालिकाको उपप्रमुखमा विश्वकर्मा ९ हजार ३ मत ल्याई बिजयी भए भने उनका प्रतिद्वन्दीहरु एमालेका फन्द्रा तामाङले ७ हजार ७८० मत र स्वतन्त्रका उम्मेदवार कल्पना अधिकारीको ४ हजार ३७१ मत ल्याईन ।
नीलकण्ठ नगरपालिकामा माओवादी केन्द्र बाट वडा न १ मा गणेश गुरुङले ६५५, वडा न २ मा ध्वज बहादुर गुरुङले ९४४, वडा न ५ मा राम बहादुर श्रेष्ठले ११४०, वडा न १४ मा नमराज दुवाडीले ९८५ मत प्राप्त गरेका छन् ।
नेपाली काग्रेस बाट वडा न ७ मा गौतमहरि अधिकारीले ११०२, वडा न ९ मा राजन बराइलीले ११८८, वडा न १० मा सरोज पाण्डे ६३१,वडा न ११ मा राम बहादुर श्रेष्ठले ८३५,वडा न १२ मा धर्मराज भण्डारीले १०४५,वडा न १३ मा सोम बहादुर गुरुङले १०१९ मत सहित बिजयी भएका छन् ।
नेकपा एमालेका उम्मेदवार हरि ब श्रेष्ठले वडा न ४ मा ११०० मत सहित बिजयी भएका छन् । नीलकण्ठ नगरपालिकामा स्वतन्त्र उम्मेदवार राजकुमार श्रेष्ठले नीलकण्ठ ३ मा १३३९ मत र प्रकाश श्रेष्ठले नीलकण्ठ ८ मा ११५३ मत सहित बिजयी भएका छन् ।
नीलकण्ठ ६ मा नेपाली काग्रेसका उम्मेदवार भुपेन्द्र कुमार श्रेष्ठ र माओवादी केन्द्रका उम्मेदवार लक्ष्मण रम्तेलको बराबरी मत आएपछि हालसम्म पनि गोला प्रथा भएको छैन । गोला प्रथाबाट अध्यक्ष छुट्याउन बाँकी रहेकोले अन्तिम नतिजा घोषणा नगरिएको बताईएको छ ।
