धादिङ,२५ जेठ ।
महिला कर्मचारीलाई सुत्केरी बिदा अनिवार्य रुपमा दिन स्वास्थ्य तथा जनसङ्ख्या मन्त्रालयले निर्देशन दिएको छ ।
कतिपय सरकारी, निजी तथा गैरसरकारी सङ्घ संस्थामा कार्यरत महिलाहरूलाई नियमानुसार पाउनुपर्ने प्रसुति बिदा नदिएको गुनासो आए पछि मन्त्रालयले यस्तो निर्देशन दिएको हो ।
सुरक्षित मातृत्व तथा प्रजनन स्वास्थ्य अधिकार ऐन, २०७५ को दफा १३ ले महिला कर्मचारीलाई सुत्केरी हुनु अघि वा पछि कम्तीमा ९८ दिनसम्म तलबसहितको प्रसुति बिदा दिनुपर्ने व्यवस्था रहेको मन्त्रालयका सह प्रवक्ता डाक्टर समिर कुमार अधिकारीले बताउनुभयो ।
