धादिङ,३१ जेठ ।
धादिङको नीलकण्ठ नगरपालिका वडा नम्बर ३ ईजारामा बोलेरो दुर्घटना हँुदा एकजनाको मृत्यु भएको छ भने १६ जना घाईते भएका छन् ।
मंगलबार दिउँसो धादिङबेशीबाट नीलकण्ठ नगरपालिका वडा नम्बर २ जुरेथुम तर्फ जाँदै गरेको बा १८ च २८२० नम्बरको बोलेरो अनियन्त्रित भई सडकमा पल्टदा नीलकण्ठ नगरपालिका वडा नम्बर २ बस्ने अन्दाजी ३०–३२ बर्षिय प्रेम बहादुर गुरुङको मृत्यु भएको जिल्ला प्रहरी कार्यालय धादिङले जनाएको छ ।
गुरुङको धादिङ अस्पतालमा उपचारको क्रममा मृत्यु भएको प्रहरीले जनाएको छ । दुर्घटनामा परी अन्य १६ जना घाईते भएका छन् ।घाईतेहरुको अवस्था सामान्य रहेको र धादिङ अस्पतालमा उपचार भईरहेको छ । बोलेरोका चालकलाई प्रहरीले नियन्त्रणमा लिएको छ।
घाइतेहरुको विवरण :
