धादिङ,०२ असोज ।
शिवज्योति महिला बचत तथा ऋण सहकारी संस्था लिमिटेडको अध्यक्षमा चमेली वगाले काप्री चयन हुनुभएको छ ।
शनिबार धादिङबेशीमा सम्पन्न भएको सहकारीको १६ औँ बार्षिक साधारण सभा तथा अधिवेशनले काप्रीको अध्यक्षतामा ११ सदस्यीय कार्यसमिति चयन गरेको छ । अधिवेशनले उपाध्यक्ष बाहेक सबै पद सर्वसम्मत चयन गरेको हो । सहकारीले उपाध्यक्षको लागि तत्काल निर्वाचन गराउने वातावरण नभएको भन्दै अर्को सूचना जारी नहुन्जेलसम्मको लागि यथावत राखिने जनाएको छ ।
नयाँ कार्यसमितिको सचिवमा शशि अर्याल, कोषाध्यक्षमा रीता पोखरेल, सदस्यहरुमा माईलीमाया वि.क, विष्णुमाया श्रेष्ठ, गितादेवी लम्साल, पञ्चमाया तामाङ, विष्णु कुमार गुरुङ, लक्ष्मी श्रेष्ठ र दीप माया श्रेष्ठ चयन हुनुभएको छ । यसैगरी सभाले ३ सदस्यीय लेखासमिति समेत चयन गरेको छ । लेखासमितिको संयोजकमा शोभा छत्कुली, सविता सिटौला र दिपा लम्साल चयन हुनुभएको छ ।
