धादिङ १६ असोज
धादिङको खनियाबास गाउँपालिका–५ सत्यदेविमा सम्पन्न खुल्ला दौड प्रतियोगितामा खनियाबासका बेगबहादुर तामाङ प्रथम भएका छन् ।
धादिङका प्रथम सहिद छेज्यु तामाङ स्मृतिमा गोम्पोङ समाजद्धारा आयोजना गरिएको १० किलो मिटर खुल्ला दौड प्रतियोगितामा ४९ मिनेटमा दौड पुरा गर्दै खनियाबास–३ का बेगबहादुर तामाङ प्रथम भएका हुन् ।
प्रतियोगितामा खनियाबास–४ का पारस तामाङ द्धितिय र खनियाबास–५ का सुजन तामाङ तृतीय भएका छन् । प्रतियोगितामा प्रथम, द्धितिय र तृतीय हुनेलाई क्रमश नगद रु १५ हजार, १० हजार,५ हजार र प्रमाण पत्रले पुरस्कृत गरिएको छ ।
प्रतियोगितामा ४४ जना सहभागि भएका थिए। प्रतियोगितामा सहभागि सबैलाई पूर्व मन्त्री दिलमान पाख्रिनले १÷१ हजार प्रदान गर्नुभएको थियो।
सभापति रेकमान तामाङको अध्यक्षतामा सम्पन्न भएको कार्यक्रममा पुर्व कानुन राज्यमन्त्री दिलमान पाख्रीनको प्रमुख आतिथ्य रहेको थियो । कार्यक्रममा गाउँपालिका अध्यक्ष रणबहादुर तामाङ, गाउँपालिका उपाध्यक्ष सेक्केमान तामाङको जिल्ला खेलकुद विकास समिति धादिङका अध्यक्ष प्रताप सिंह तामाङ, वडा अध्यक्ष रबिन कुमार तामाङको बिशेष आतिथ्य रहेको थियो ।
