धादिङ,२६ असोज ।
धादिङ निर्वाचन क्षेत्र नम्बर २ मा नेकपा एमाले र राप्रपाबिच चुनावी गठबन्धन बनेको छ । संघमा राप्रपाले एमालेलाई सघाउने र प्रदेशमा राप्रपालाई सघाउने सहमती बिच गठबन्धन भएको हो ।
सहमति अनुसार संघमा राप्रपाबाट उम्मेदवारी दिनुभएका पर्शुराम तामाङले उम्मेदवारी फिर्ता गर्नुभएको छ। तामाङले अब नेकपा एमालेका नेता तथा पुर्व सांसद खेम प्रसाद लोहनीलाई सहयोग गर्नुहुनेछ । यसैगरी प्रदेशतर्फ सोही क्षेत्रको क नम्बरमा एमाले नेता धनवहादुर घलेले राप्रपाका डम्बर तामाङलाई समर्थन गरेर उम्मेद्वारी फिर्ता लिनुभएको छ भने प्रदेश ख मा राप्रपाका मोहन पोखरेलले एमालेका डा.रामकुमार अधिकारीलाई समर्थन गरेर उम्मेदवारी फिर्ता लिनुभएको छ ।
धादिङ निर्वाचन क्षेत्र २ मा रोचक चुनावी प्रतिस्पर्धा हुने भएको छ ।
