पछिल्लो २४ घण्टामा संक्रमण पुष्टि हुनेभन्दा निको हुने बढि रहेको छ।आज देशभर ३५६ संक्रमित थपिदा ५१८ संक्रमित निको भएका छन्। देशभरका प्रयोगशालाबाट ३ हजार २५९ जनाको पीसीआर गर्दा २८७ जना र ३ हजार १२५ जनाको एन्टिजेन परिक्षणमा ६९ गरी ३५६ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ।
बुधबार मात्रै ४४७ संक्रमित थपिएका थिए। योसँगै देशभर संक्रमित हुनेको संख्या ९ लाख ८ हजार ९१० पुगेको छ भने संक्रमित भई निको हुनेको सङ्ख्या ७ लाख ९३ हजार ७८९ पुगेको छ।
सक्रिय सङ्क्रमितको सङ्ख्या ८ हजार ८९० रहेको छ ।सङ्क्रमणमुक्त हुनेको दर ९७ दशमलब ५ प्रतिशत रहेको छ । यस्तै पछिल्लो २४ घण्टामा सङ्क्रमणका कारण २ जनाको ज्यान गएसँगै हालसम्म सङ्क्रमणबाट ज्यान गुमाउनेको सङ्ख्या एघार हजार ४३६ पुगेको मन्त्रालयको तथ्याङ्कमा उल्लेख गरिएको छ।
