काठमाडा,११ फागुन।
वरिष्ठ लोक गायक तथा कलाकार जयनन्द लामाको निधन भएको छ।
उहाँको बुधबार बिहान २ बजे भक्तपुरस्थित कौशलटारमा निधन भएको हो।हिजो एक कार्यक्रमबाट घर फर्किने बेलामा गाडीबाट लड्नु भएको र टाउकोमा गहिरो चोट लागेको भनिए पनि औपचारिक पुष्टि भइसकेको छैन । उहाँको शवलाई पोस्टमार्टमका लागि शिक्षण अस्पताल महाराजगञ्जमा लैजाने तयारी भइरहेको छ ।
सिन्धुपाल्चोकको बाह्रविसे नगरपालिका–२ धार्पाका लामा दर्जनौं लोकप्रिय गोक गीत संकलन तथा गाउनुभएको छ भने थुप्रै मौलिक लोकगीत गाउनुका साथै चलचित्र र टेलिश्रृंखलामा अभिनयसमेत गर्नुभएको छ।
उहाँको स्वरमा कलकते काइँयो‚ चुँइचुँइ चुइकिने जुत्तालगायतका लोकप्रिय गीत रहेको छ। लामा नेपाली लोकदोहोरी संगीतको रियरिलटी शो ‘नेपाल लोकस्टार’को निर्णायकको भूमिकामा आबद्ध रहनुभएको थियो।
