धादिङ,०१ चैत। बागमती प्रदेश स्तरीय ब्याडमिन्टनमा धादिङको महिला टिम प्रथम भएको छ।
हेटौडामा जारी प्रथम बागमती प्रदेश स्तरीय खेलकुद प्रतियोगिता अन्तरगत ब्याडमिन्टन प्रतियोगितामा सिन्धुपाल्चोकलाई हराउँदै धादिङको महिला टिम प्रथम भएको हो ।
यस्तै धादिङको पुरुष टिम भने तृतीय भएको छ ।बागमती प्रदेश सरकारको आयोजनामा भएको प्रतियोगितामा फुटबल, ब्याडमिन्टन, क्रिकेट, तेक्वान्दो, भलिबल, कराते, एथलेटिक्स र बक्सिङ लगाएतका खेलहरु समावेश गरिएका छन्।
