धादिङ,२५ बैशाख ।
बेनीघाट रोराङ गाउँपालिका वडा नंम्बर ८ मा मा नेकपा एमालेका वडा अध्यक्ष उम्मेदवार आकाश चेपाङ चेपाङ समूदायको आशाको केन्द्र बन्नु भएको छ । ६० प्रतिशत चेपाङ जातिको बसोबास रहेको यस वडामा नेकपा एमालेबाट आकाश चेपाङ चुनावी मैदानमा आएपछिचेपाङ समूदायले आफ्नो मसिहा ठानेर विकासका लागि सुझाव दिन थालेका छन् ।
अति गरिवीको रेखामुनी रहेका चेपाङ समूदायले वर्षभरी खानपुग्नी खेती प्रणालीको विकास, रोजगारीको सिर्जना, सुुम्बासीलाई जग्गा, गाउँका उत्पादन निकासी गर्न नियमित चल्ने सडक, विद्यालय अंग्रेजी माध्याम, विरामी पर्दा निशुल्क उपचार लगायतका योजना गाउँबासीले आकाश चेपाङ समक्ष माग गर्न थालेका छन् । वडाबासीको समस्या तथा सवाललाई नजिकबाट नियालेकाले यो पटक आफू नेतृत्वमा आउनेमा ढुक्क रहेको आकास बताउँछन् ।
‘वडाबासीकै चाहना र माग अनुसार वडा अध्यक्षको उम्मदेवारी दिएको हो’, आकास भन्छन्, ‘मलाई हाम्रो पार्टीले विश्वास गरेर टिकट दिएको छ। वडाबासी प्रायः लाई खान लगाउनै समस्या छ। त्यसैले नेतृत्व तहमा पुग्न र वडामा सामाजिक रुपान्तरण र वडाको विकासका लागि मैले उम्मदेवारी दिएको हुँ।’
खानेपानी, शिक्षा, गासबास, स्वास्थ्यको समस्या अहिलेसम्म हल नभएकोले चेपाङकै नेतृत्व चाहिन्छ भने पार्टीले आफूलाई उम्मेदवार बनाएको आकाश चेपाङको भनाइ छ । डिप्लोमा इन सिभिल इन्जिनियर उतिर्ण हुनुभएका आकाश चेपाङ समूदायका अब्बल मध्ये हुुनुहुन्छ। कलाकाररपत्रकारीतामा समेत यसअघि सक्रिय हुनुहुन्थ्यो ।
जसले गर्दा गाउँबासीले आफ्नैमान्छेले आफ्नो समाचार भनेको सुनेर पनि चिनेका थिए। निर्वाचनमा उठ्नुअघि सक्रिय सामाजिक अभियनता हुनुभएकोले पनि उहाँलाई गाउँबासीले चेपाङको सवालमा चेपाङ नै आवस्यक भएकोले जिताउन लागि परेको चेपाङ समूदायको भनाइ छ । बेनिघाट रोराङ गाउँपालिका वडा नम्बर ८ मा १ हजार ४ सय ५४ मतदाता रहेकोमा ८ सय ४४ चेपाङ मतदाता रहेका छन् ।
