धादिङ,१७ असार ।
५ वर्षीया बालिका बलात्कार र अपहरण गरेको आरोपमा धादिङमा १ जना पक्राउ परेका छन ।
पक्राउ पर्नेमा त्रिपुरासुन्दरी गाउँपालिका वडा नम्बर ३ मूलपानीका ४० वर्षीय टङ्कबहादुर विक रहेका छन् । असार १५ गते पीडितका बाबुआमा मेला गएको बेला एक्लै पारेर बालिकालाई बलात्कार गर्नुका साथै बालिकालाई बोकेर आफ्नो घरतर्फ लगेको भन्दै पीडित परिवारले असार १६ गते जिल्ला प्रहरी कार्यालयमा जबरजस्ती करणी र अपहरण मुद्दामा जाहेरी दिएको जिल्ला प्रहरी कार्यालय धादिङका डिएसपी जागेश्वर भण्डारीले बताउनुभयो ।
आरोपित विक विरुद्ध प्रहरीले अनुसन्धान गरिरहेको र अनुसन्धान पस्चात अदालतमा मुद्दा दायर गरिने प्रहरीले जनाएको छ । पीडितको स्वास्थ्य परीक्षण तथा उपचार असार १६ गते नै धादिङ अस्पतालमा गरिएको प्रहरीले जनाएको छ ।
