राष्ट्रिय परीक्षा बोर्डले माध्यमिक शिक्षा परीक्षा (एसइई)को नतिजा सार्वजनिक गरेको छ।बोर्डले केहीबेर अगाडि नतिजा सार्वजनिक गरेको हो। नतिजा वेबसाइटबाट हेर्न सकिने परीक्षा नियन्त्रक अर्जुन रायमाझीले जानकारी दिए।
परीक्षा सार्वजनिक गर्नुअगाडि बोर्डको बैठक बसेको थियो।सार्वजनिक नतिजाअनुुसार उच्च जीपीए ३.६ देखि ४ जीपीएसम्म ल्याउने विद्यार्थीको संख्या नौ हजार ६३३ जना रहेका छन् ।
यसैगरी ३.२ देखि ३.६ जीपीए ल्याउनेको संख्या ४१,६२७ जना, २.८ देखि ३.२ जीपीए ल्याउनेको संख्या ६९,९०० जना, २.४ देखि २.८ जीपीए ल्याउनेको संख्या ९०,७५८ जना र २ देखि २.४ जीपीए ल्याउनेको संख्या १ लाख १२ हजार ७३३ जना रहेका छन् ।
गत वैशाखमा सञ्चालन भएको एसईई परीक्षामा ५ लाख १४ हजार विद्यार्थी सहभागी भएका थिए । जसमा २ लाख ५७ हजार ९ सय २४ छात्रा र २ लाख ५७ हजार ५३ छात्र सहभागी छन् ।
देशभर एकसाथ २ हजार परीक्षा केन्द्रमा परीक्षा सञ्चालन गरिएको थियो।त्यसमध्ये जापानको १ परीक्षा केन्द्रबाट २० जना विद्यार्थीले एसईई दिएका छन् ।
कोभिडका कारण दुई वर्ष आन्तरिक मूल्याङकनका आधारमा परीक्ष सञ्चालन भएको भए पनि यो वर्ष भने बोर्डले नै एसईई परीक्षा नै सञ्चालन गरेको थियो ।
नतिजा यसरी हेर्नुहोस्
