धादिङ,२५ बैशाख ।
धादिङको बेनिघाट रोराङ गाउँपालिकामा अक्सिजन सहितको २० बेडको आईशालेशन तयारी अवस्थामा राखिएको छ । शनिबार गाउँपालिकाले एक सूचना जारी गर्दै आईशालेशन तयारी अवस्थामा राखिएको जनाएको हो ।
विश्वभर फैलिएको कोभिड १९ को महामारीको रोकथाम तथा नियन्त्रणको लागि गाउँपालिकाको प्रत्येक स्वास्थ्य चौकी र मलेख सामुदायिक भवनमा अक्सिजन सिलिन्डर सहित २० बेडको आईशालेशन,अत्यावश्यक औषधी र स्वास्थ्यकर्मीको व्यवस्था गरिएको गाउँपालिकाले जनाएको छ । साथै उपचारको लागि अन्यत्र लैजानुपर्ने अवस्था आएमा एम्बुलेन्स र गाउँपालिका कार्यालयको गाडी समेत तयारी अवस्थामा राखिएकोे छ ।
यस्तै गाउँपालिकाले नागरिकहरुलाई कोरोनाको लक्षण देखिएर उपचारको लागि लैजान परेमा गाउँपालिकाका अध्यक्ष, प्रमुख प्रशासकीय अधिकृत र स्वास्थ्य संयोजकलाई सिधै सम्पर्क गर्न आग्रह गरेको छ । अहिले गाउँपालिकामा हाल १२ संक्रमित रहेको छन् जसमा ५ जना जिल्ला भित्र र ७ जना जिल्ला बाहिर रहेका छन् ।
![No description available.](https://scontent.fbwa3-1.fna.fbcdn.net/v/t1.15752-9/183329245_489240202430953_8191810624532164113_n.jpg?_nc_cat=104&ccb=1-3&_nc_sid=ae9488&_nc_ohc=Y56rRqcrKRwAX86Nwu0&_nc_ht=scontent.fbwa3-1.fna&oh=268d5c1ecc8e05bae7e1883753977806&oe=60BAAB9C)