धादिङ,०६ असोज ।
श्री लाङ्घाली बहुउद्धेश्यीय सहकारी संस्था लिमिटेडको १५ औँ स्थापना दिवसको अवसरमा रक्तदान कार्यक्रम सम्पन्न भएको छ ।
श्री लाङ्घाली बहुउद्धेश्यीय सहकारी संस्था लिमिटेडको आयोजना तथा नेपाल मगर संघ जिल्ला समन्वय समिति धादिङको सहयोगमा सहकारीको प्राङ्गणमा भएको रक्तदान कार्यक्रममा १३ जना महिला र ३९ जना पुरुष गरी ५२ जनाले रक्तदान गरेको धादिङ रेडक्रसका उपमन्त्री नारायण कुमार श्रेष्ठले जानकारी दिनुभयो ।
बिहान ७ बजेदखि दिउँसो २ बजेसम्म भएको रक्तदान कार्यक्रममा नेपाल रेडक्रस सोसाईटी रक्तसञ्चार सेवा केन्द्र धादिङको प्राबिधिक सहयोग रहेको थियो ।
जिल्लामा रगतको अभावलाई न्युनीकरण गर्नको लागी विभिन्न मेला, पर्व, उत्सव, सहकारीको बार्षिक साधारण सभा लगायतको भेला हुने कार्यक्रममा रक्तदान कार्यक्रम राखि धादिङमा रगत संकलन गरीदैँ आएको छ ।
