पछिल्लो २४ घण्टामा देशभर कोरोना संक्रमण पुष्टि हुनेभन्दा निको हुने तेब्बर बढि रहेको छ।आज देशभर १८३ संक्रमित थपिदा ६४९ संक्रमित निको भएका छन्। देशभरका प्रयोगशालाबाट २ हजार ३०७ जनाको पीसीआर गर्दा १७४ जना र २ हजार ५३७ जनाको एन्टिजेन परिक्षणमा ९ गरी १८३ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ।
बिहिबार मात्रै ३५६ संक्रमित थपिएका थिए। योसँगै देशभर संक्रमित हुनेको संख्या ९ लाख ९ हजार ९३ पुगेको छ भने संक्रमित भई निको हुनेको सङ्ख्या ७ लाख ९४ हजार ४३८ पुगेको छ।सक्रिय सङ्क्रमितको सङ्ख्या ८ हजार ४१३ रहेको छ।
सङ्क्रमणमुक्त हुनेको दर ९७ दशमलब ६ प्रतिशत रहेको छ । यस्तै पछिल्लो २४ घण्टामा सङ्क्रमणका कारण २ जनाको ज्यान गएसँगै हालसम्म सङ्क्रमणबाट ज्यान गुमाउनेको सङ्ख्या एघार हजार ४३८ पुगेको मन्त्रालयको तथ्याङ्कमा उल्लेख गरिएको छ।
