पछिल्लो २४ घण्टामा देशभर ११ हजार ९९३ जनाको परिक्षणमा ४१२ संक्रमित थपिदा २०२ संक्रमित निको भएका छन्।
देशभरका प्रयोगशालाबाट १० हजार १०६ जनाको पीसीआर गर्दा ३६३ जना र १८ सय ६७ जनाको एन्टिजेन परिक्षणमा ४९ गरी ४१२ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयका प्रवत्ता डा.कृष्ण पौडेलले जानकारी दिनुभयो।मंगलबार मात्रै ३७७ संक्रमित थपिएका थिए।
यो सँगै देशभर संक्रमित हुनेको संख्या ९ लाख १३ हजार २५८ पुगेको छ भने संक्रमित भई निको हुनेको सङ्ख्या ७ लाख ९८ हजार ९१६ पुगेको छ।सक्रिय सङ्क्रमितको सङ्ख्या ७ हजार ६३६ रहेको छ ।
सङ्क्रमणमुक्त हुनेको दर ९७ दशमलब ७ प्रतिशत रहेको छ । यस्तै पछिल्लो २४ घण्टामा सङ्क्रमणका कारण १ जनाको ज्यान गएसँगै हालसम्म सङ्क्रमणबाट ज्यान गुमाउनेको सङ्ख्या एघार हजार ४८३ पुगेको प्रवत्ता डा.पौडेलले बताउनुभयो।
