धादिङ,२१ माघ ।
ग्रामीण यातायात सहकारी संस्था लिमिटेड धादिङको ब्यवसायिक भेला, प्रशिक्षण तथा बनभोज कार्यक्रम सम्पन्न भएको छ । गुणस्तरिय सेवा ब्यावसायीक एकता हाम्रो प्रतिबद्धता भन्ने मुल नाराका साथ धादिङ जिल्लामा यातायात संचालन गरिरहेको ग्रामीण यातायात सहकारी संस्थाले यातायात ब्यवसायलाई मर्यादित र ब्यवस्थित तवरले संचालन गर्न भेला तथा प्रशिक्षण कार्यक्रम आयोजना गरिएको हो ।
संस्थाले नियमित रुपमा गरिने कार्यक्रम अन्तरर्गत नै संस्थामा आवद्ध ब्यवसायीहरु बिच एक आपसमा सुमुधर सम्बनध स्थापित गर्न र ब्यवसाय संचालन गर्दा भएका समस्याहरुको अन्तरक्रिया मार्फत समाधान गर्न यस किसिमको भेला तथा प्रशिक्षण कार्यक्रम संचालन गरेको संस्थाका महासचिव बद्री प्रसाद सुवेदीले बताउनु भयो ।
संस्थाका अध्यक्ष राम बहादुर घलेको अध्यक्षतामा भएको कार्यक्रममा राष्ट्रिय भुमी आयोगका जिल्ला अध्यक्ष कृष्ण प्रसाद अर्यालयको प्रमुख आतिथ्यता रहेको थियो ।
कार्यक्रममा जिल्ला प्रहरी कार्यालयका प्रहरी नायव उपरिक्षक श्याम बहादुर खत्रि, संस्थाका संस्थापक अध्यक्ष धुब्र बहादुर थापा, लेखा समितिका संयोजक चन्द्र बहादुर लम्साल, ट्राफिक कार्यालय धादिङका प्रतिनिधि जयराम पुडासैनी लगायत ब्यक्तीत्वहरुको उपस्थिति रहेको थियो ।
