नेपालमा केहिदिन देखी कोरोना संक्रमण हुने भन्दा निको हुने बढ्दै गएका छन्।केही दिनदेखि संक्रमण ओरालो लागिरहँदा निको हुने दर उकालो लागेको छ ।पछिल्लो २४ घण्टामा ५९६ जना कोरोना संक्रमित थपिदा ८७१ संक्रमित निको भएका छन्।
देशभरका प्रयोगशालाबाट ९ हजार २३७ जनाको पीसीआर गर्दा ५६५ जना र ३ हजार १६७ जनाको एन्टिजेन परिक्षणमा १३ गरी ५९६ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ।
शनिबार ७६० संक्रमित थपिएका थिए । योसँगै देशभर संक्रमित हुनेको संख्या ८ लाख ९५ हजार १९२ पुगेको छ भने संक्रमित भई निको हुनेको सङ्ख्या ७ लाख ७५ हजार ९४३ पुगेको छ ।
सक्रिय सङ्क्रमितको सङ्ख्या १५ हजार २४ रहेको छ ।सङ्क्रमणमुक्त हुनेको दर ९६ दशमलब ७ प्रतिशत रहेको छ । यस्तै पछिल्लो २४ घण्टामा सङ्क्रमणका कारण १० जनाको ज्यान गएसँगै हालसम्म सङ्क्रमणबाट ज्यान गुमाउनेको सङ्ख्या एघार हजार २३१ पुगेको मन्त्रालयको तथ्याङ्कमा उल्लेख गरिएको छ।
