नेपालमा कोरोना संक्रमितको संख्या एक लाख ९४ हजार ४ सय ५३ पुगेको छ । आज देशभर बिभिन्न स्थानमा गरिएको परिक्षणमा थप २ हजार ८ सय १७ जनामा कोरोना संक्रमण पुष्टि भएको स्वास्थ्य तथा जनसङ्ख्या मन्त्रालयले उल्लेख गरेको छ ।
हिजो शनिबार २ हजार ७ सय ५३ जनामा कोरोना भाइरसको संक्रमण पुष्टि भएको थियो । सङ्क्रमितमध्ये पछिल्लो अपडेट अनुसार २४ घण्टा भित्र २ हजार ८ सय १२ जना डिस्चार्ज भएसँगै एक लाख ५७ हजार ९ सय २६ जना संक्रमित निको भएर घर फर्किएका छन् ।
देशभर २४ घण्टामा १२ हजार ३ सय ११ जनाको पीसिआर परिक्षण गरिएको मन्त्रालयले जनाएको छ । अहिले देशभर ३५ हजार ४ सय १९ सक्रिय संक्रमित रहेका छन् भने १ हजार १ सय ४९ जना क्वारेन्टाईनमा रहेका छन् ।
पछिल्लो २४ घण्टामा थप २१ जनाको कोरोनाबाट मृत्यु भएको छ । यससँगै नेपालमा कोरोनाबाट ज्यान गुमाउनेको संख्या १ हजार १ सय ८ पुगेको छ ।
