धादिङ,१७ जेठ ।
नीलकण्ठ माध्यमिक विद्यालयका बिद्यार्थीहरुको निशुल्क रक्त समूह परीक्षण गरिएको छ ।
सत्यदिप हेल्थक्यर प्रालिले सामाजिक उत्तरदायित्व वहन गर्दै सामाजिक रुपान्तरणको लागि स्थानिय प्रयास नेपालको सहकार्य तथा नेपाल रेडक्रस सोसाइटी रक्त संचार केन्द्र धादिङको सहयोगमा निलकण्ठ माविका बिद्यार्थीहरुको निशुल्क रक्त समूह परिक्षण गरिएको हो।
आवश्यक परेको बेला रक्तदाता पहिचान गर्ने उद्धेश्यले विद्यालयको कक्षा ६ देखि १२ सम्मका १५२ बिद्यार्थीहरुको रक्त समुह परीक्षण गरिएको सत्यदीप फार्मेसीका प्रोपाईटर विशाल वर्देवाले जानकारी दिनुभयो ।
सबै विद्यार्थीहरूको रक्त समूह छुट्टयाएर विद्यार्थी परिचय पत्रमा समेत रक्त समूह समावेश गर्न लागिएको वर्देवाको भनाई छ । रगत अभावको समयमा रक्तदाताहरुको समूह पहिचान गरिराख्दा सहज हुने भएकाले निशुल्क रगत समूह परीक्षण गरिएको उहाँले बताउनुभयो ।
