धादिङ,०७ असार ।
नीलकण्ठ नगरपालिका–३ धादिङबेशीमा गौतम बुद्धको मूर्ति स्थापना गरिएको छ ।
बिभिन्न दाताहरुको सहयोगबाट निर्माण गरीएको बुद्धको मूर्तिको मंगलबार स्थापना गरिएको हो । धादिङ अस्पताल परिसरमा एक कार्यक्रमको आयोजना गरि मेन्ला कु राब्ने बुद्ध मुर्ति सु–प्राण प्रतिष्ण समुद्घाटन गरिएको छ ।
महिला मणिपा संघ धादिङको संयोजन र दाताहरुको सहयोगमा उक्त स्थानमा मुर्ती निर्माण गरिएको हो । महिला मणिपा संघ धादिङका अध्यक्ष छ्यांईसाङ तामाङको अध्यक्षतामा सम्पन्न भएको कार्यक्रममा धादिङ अस्पतालका अध्यक्ष महेन्द्र धमला, खनियाबास गाउपालिकाका प्रमुख रणबहादुर तामाङ, उप–प्रमुख सेक्केमान तामाङ,नेपाल अहिंसावादी बौद्धधर्म बिश्वशान्ति चत्र संघमा आवद्ध ब्यक्तीहरु लगाएतको उपस्थिति रहेको थियो ।
