धादिङ,३१ साउन।
धादिङका थप ३६ जनामा कोरोना संक्रमण पुष्टि भएको छ।
स्वास्थ्य कार्यालय धादिङले सार्वजनिक गरेको तथ्याङ्क अनुसार आज जिल्लाको ज्वालामुखीमा १०, गंगाजमुनामा ५, धादिङ अस्पतालमा र गजुरीमा ४/४ जना, त्रिपुरासुन्दरी, सिद्धलेक र रुवीभ्यालिमा ३/३ जना,गल्छीमा २, धुनिबेशी र बेनिघाट रोराङमा १/१ जनागरी जिल्लाका ३६ जनामा कोरोना पोजिटिभ देखिएको छ। शनिबार १२ संक्रमित थपिएका थिए ।
यससँगै जिल्लामा संक्रमित हुनेको सङ्ख्या ८ हजार ८३३ पुगेको छ भने जिल्लाको सक्रिय केश ३१६ रहेको स्वास्थ्य कार्यालय धादिङले जनाएको छ।यस्तै पछिल्लो २४ घण्टामा २३ जना संक्रमित डिस्चार्ज भएसँगै जिल्लाभर हालसम्म कोरोनामुक्त हुनेको सङ्ख्या ८ हजार ३७४ पुगेको छ ।
संक्रमित मध्ये जिल्लाभित्र धादिङ अस्पतालको आइसोलेसनमा ८ जना र होम आइसोलेसनमा ३०८ जना रहेका छन् ।यसैगरी जिल्लामा संक्रमणका कारण हालसम्म ७९ जनाको मृत्यु भएको छ।
निलकण्ठमा आज ४१ स्वाब संकलन भएको छ भने जिल्लाभर १०७ एन्टिजेन परिक्षण मध्ये ३० पोजिटिभ आएको छ।हाल जिल्लाका ६९ जनाको पीसिआर नतिजा आउन बाँकी रहेको स्वास्थ्य कार्यालय धादिङले जनाएको छ।
